Болмасаң да ұқсап бақ, бір ғалымды көрсеңіз.
Ондай болмақ қайда деп, айтпа ғылым сүйсеңіз.

1-сынып оқушыларына арналған мазмұндамалар жинағы

ҚАЗАҚСТАН РЕСПУБЛИКАСЫ

БІЛІМ ЖӘНЕ ҒЫЛЫМ МИНИСТРЛІГІ

             Ақмола облысы   Қорғалжын ауданы   Кеңбидайық орта мектебі

nov01

Кизатова Б.Д.

Кеңбидайық орта мектебінің Әдістемелік кеңесі ұсынған

Хаттама№5

 

Рецензенттер:З.Бектұрова «Өрлеу» БАҰО АҚ филиалының Астана қаласы бойынша ПҚ БАИ Инновациялық дамыту және әдістемелік қамтамасыз ету бөлімінің бас маманы.

Құрастырушы:

Кизатова Б.Д. 1-сынып оқушыларына арналған мазмұндамалар жинағы. Әдістемелік әзірлеме 2014. –18 б.

Ұсынылып отырған әдістемелік әзірлемеде бірінші сыныптағы шығармашылық жұмыстарға арналған материалдар: мазмұндама мәтіндері, әңгіме құрауға арналған суреттер және мазмұндама мәтіні мен суреттерді экраннан көруге мүмкіндік беретін диск берілген. Бұл әдістемелік әзірлеменің мазмұны оқушылардың өз отбасына, туған жеріне, қоршаған ортасына сүйіспеншілік сезімін туғызады.

Ұстаздар қауымына әдістемелік әзірлемекөмек ретінде ұсынылады. Әсіресе жаңадан еңбек жолын бастап келе жатқан жас мамандар үшін.

avt

Кизатова Бағдат Даниярқызы
бастауыш сынып мұғалімі
Білімі: жоғары
Еңбек өтілі: 35 жыл
Санаты:жоғары

АЛҒЫСӨЗ

Ұстаздардың алдында тұрған басты міндеттердің бірі – Отанынсүйетін, еңбексүйгіш, кез-келген жағдайда шешім тауып шыға алатын жеке тұлға тәрбиелеу. Мұның бәрі тіл арқылы жүзеге асады. Баланың тілі бай болса, оның ойы да кең болады. Сондықтан баланың тілін байытып, ой-өрісін кеңейте түсу үшін, өз ойын жазбаша жеткізе білудің маңызы өте зор.Оқу мен жазуды жаңа меңгерген 1-сынып оқушыларына мазмұндама, шығарма жазып кету бірден оңайға түспейтінін кез-келген бастауыш сынып мұғалімі жақсы біледі. Бұл жинаққа 1-сынып оқушыларына шағын әңгіме, мазмұндама жазуға арналған материалдар енгізілген. Оқушылардың қызығушылығын арттыру үшін түрлі–түсті суреттермен толықтырылған.

Жинаққа қосымша жасалған диск мазмұндама материалдарын экраннан көрсетуге мүмкіндік береді.

МАЗМҰНДАМА

Мазмұндама дегеніміз – белгілі бір шығарманың (мәтіннің) мазмұныны ауызша немесе жазбаша түрде баяндап беру. Бұл оқушылардың алған білімін тиянақтап, тілін дамыту мақсатын көздейді.

Мазмұндама 1-сыныпта оқу жылының екінші жартысында басталып, 2-4 сыныптарда бірте-бірте күрделендіре жүргізіледі. Оқушылар ауызша мазмұндауға толық төселіп болғанға дейін жазуға кірісер алдында оқушылармен ауызша әңгіме өткізіліп, жазу жұмысына дайындау міндетті түрде қажет болады.

Мәтіннің көлемі 1-сынып үшін – 40-50 сөз, 2-сынып үшін – 50-60 сөз, 3- сынып үшін – 60-80 сөз, 4-сынып үшін – 80-90 сөз болғаны дұрыс.

Мазмұндамаға екі баға қойылады:

1)сауаттылығына

2)мазмұндылығына.

Бастауыш сыныптарда мазмұндаманы мына сияқты материалдар бойынша жаздыруға болады:

  1. дайын мәтін бойынша
  2. сурет бойынша
  3. шығармашылық жолмен
  4. кино, бейнефильм бойынша

nov1

Сурет және өлең жолдары бойынша әңгіме құрап жаз

  1. Саған қыс мезгілі ұнай ма?
  2. Өлең неге «Көңілді қыс» деп аталған деп ойлайсың?
  3. Жаңа жыл мерекесін қалай қарсы алдың?

«Менің мысығым» тақырыбында  әңгіме құрастырып жаз:

Жоспар:

  1. Менің мысығымның аты.
  2. Мысығымның ұнататын тағамы.
  3. Мысығыммен ойнайтын ойындарым.
  4. Мысықтың тазалығын қадағалау.
  5. Мысықтың адамға пайдасы.

nov2

БАЛАПАН

Жазғы каникулда Арман мен Нұрлан атасы мен әжесінің ауылына қыдырып барды. Бірде олар аталарына аула ішіндегі бау-бақшаны арамшөптерден тазартып, ретке келтіруге көмектесіп жүр еді. Арман Нұрланды шақырды.

Барса, жерде шиқылдап сары ауыз балапан жатыр екен. Бұл ағаш басындағы ұядан құлап түскен торғайдың балапаны болып шықты. Өзі кіп-кішкентай, жүні жоқ, қызылшақа.Балапан шиқылдай береді.

Арман басқышқа мініп, балапанды ұясына қайта салды. Арман мен Нұрлан балапанға қарайлап, үнемі қамқорлық жасап жүретін болды.

  • Жазғы каникулда Арман мен Нұрлан қайда қыдырып барды?
  • Олар ата-әжесіне қалай көмектесті?
  • Олар нені көрді?
  • Торғайдың балапаны қайдан құлап түскен?
  • Балалар қандай жақсы іс-әрекет жасады?
  • Өздерің құстарға қандай қамқорлық жасайсыңдар?

nov3

Суреттерге қарап, «Менің ұстаздарым» тақырыбына әңгіме құрастырыңдар.

loading...

nov4

Тірек сөздер:

  1. 1. білімменсусындатады;
  2. тәлім-тәрбиебереді;
  3. өмір қиындықтарын жеңуге баулиды;
  4. табиғатты танып-білуді меңгертеді;
  5. адамдарды түсінуге үйретеді.

ТОРҒАЙ

Бақша арасындағы жолмен аяңдап келемін. Итім

алдымда жүгіріп бара жатқан. Ол кенет жүрісін тежеп, құстың иісін сезгендей-ақ төрт тағандап бұға бастады.

Мен ілгері жол бойына қарадым. Торғайдың сары жағал, ақ үрпек балапанын көрдім. Ол ұясынан құлап түсіпті…

Әңгімені өз ойыңша жалғастырып жаз.

Суретке қарап, қандай жағдайларда обал болатынын айтыңдар.

nov5

Халқымыз «обал болады» деп ескерту арқылы адамның, жан-жануардың, табиғаттың қадірін білуге шақырады.

Басқаларға жақсылық жасап үйренген адам сауапқа кенеледі.

Суреттерге қараңдар.

Табиғатқа обал жасау дегенді қалай түсінесіңдер?

nov6

ТАБИҒАТ АЯСЫНДА

  • Суретте жылдың қай мезгілі бейнеленген?
  • Қандай ағаш гүлдеп тұр?
  • Табиғаттың әсемдігін қалай суреттер едің?
  • Қыз балаға ат қой.
  • Ол табиғат аясында не істеп отыр?
  • Табиғатты қорғау дегенді қалай түсінесің?

nov7

 

ҰЛЫ КҮН

Қазақстан – біздің сүйікті атамекеніміз. 1991 жылғы желтоқсанның 16-сы оның тарихындағы ұлы күн! Сол күні Қазақстан өзінің тәуелсіздігін жариялады. Қазақ халқы ғасырлар бойы аңсаған арманына жетті.Еліміз егемен мемлекет болды.

Қазір қазақ мемлекетін жер жүзі біледі. ҰлыОтанымыз –Қазақстанды шексіз сүйеміз!

  1. Біздің сүйікті атамекеніміз қалай аталады?
  2. Қазақстан тарихындағы ұлы күнді ата.
  3. Еліміз қандай мемлекет болды?
  4. Қазақстанды әлем тани ма?

nov8

Сурет бойынша әңгіме құрап жаз

  1. Суретте жылдың қай мезгілі бейнеленген?
  2. Дастархан басында кімдер отыр?
  3. Олардың көңіл күйлері қандай?
  4. Дастарханға қандай тағамдар қойылған?
  5. Олар қандай отбасы деп ойлайсыңдар?

nov9

 

ҚОРҒАЛЖЫННЫҢ МАҚТАНЫШЫ – ҚОҚИҚАЗ

Қоқиқаздар – дене бітімі ерекше, тұмсығы имек, сирек кездесетін құстар. Олар Қорғалжын қорығындағыТеңіз көлінде ғана ұялап, жұмыртқалайды. Ол басын суға батырып, түбін қопарып, судағы жәндіктерді аузына толтырып сүзіп алып қоректенеді. Ұя жасауға да су түбіндегі тұнбаны пайдаланады. Ұшып бара жатқан қоқиқаздың қанаттары лапылдап жанған оттың жалынына ұқсас болғандықтан оларды кей халықтар «от» немесе жалын «құс» деп те атайды. Қоқиқаз топтанып тіршілік етеді

  1. Қоқиқаздардың дене бітімі қандай?
  2. Олар қайда үялап, жұмыртқалайды?

3.Қоқиқаздар қалай қоректенеді?

  1. Қоқиқаздар ұя жасауға нені пайдаланады?
  2. Қоқиқаздарды неліктен «жалын құс» деп атайды,

қалай тіршілік етеді?

nov10.

Сурет пен өлең жолдарын пайдалана отырыпәңгіме құрастырып жаз.

 

  1. Суретте жылдың қай мезгілі бейнеленген?
  2. Қысқы табиғатты суреттеп жаз.
  3. Балалар сырғанақты қалай жасады?
  4. Олар қалай ойнады?
  5. Саған сырғанақ тепкен ұнай ма?

nov11

ЖАСТЫҚ

Бір жылдың ішінде бір-ақ жаз болады. Ағаш, шөптер, гүл, жапырақтар бір-ақ рет жасарады. Осы секілді адамның басына жастық екі келмейді. Жастық – біздің өміріміздің жазы. Жаздан кейін күз келеді, сол секілді жастықтан соң кәрілік жетеді. Шаруасына тиянақты кісілер жаздыгүні қыстық азық-түлігін даярлап қояды. Адам да жасында өнер-білім, жақсы мінездерін бойына жинауы тиіс. Мұнсыз ол қартайған шағында рақат тіршілік ете алмайды.  (М.Дулатов.)

  1. Бір жылда қанша рет жаз болады?
  2. Ағаш, гүл, жапырақтар неше рет жасарады?
  3. Жастық шақты жылдың қай мезгіліне теңейді?
  4. Кәрілікті неліктен күзге теңейміз?
  5. Адам өнер-білімді, жақсы мінездерді қай уақытта бойына жинауы тиіс?

 

ҚОЛДАНЫЛҒАН ӘДЕБИЕТТЕР:

  1. «Өзін-өзі тану» оқулығы(1-сынып). А.Сейтақов, Р.Ізғұттынова,Ұ.Әбдіғапбарова, Ж.Қажығалиева, Ж.Әкімбаева. -«Бөбек»,2011
  2. «Қазақ тілі» оқулығы(4-сынып). Г.И.Уәйісова, Ұ.Ә.Асылов, Ә.Е.Жұмабаева.-«Атамұра» баспасы,2004
  3. «Балапан әлемі» журналы 2011, №7
  4. Ғаламтор материалдары.wikipedia.org/wiki/Қорғалжын_қорығы

KORNEKILKIKTERS PORTFOLIO-KAZAKHSHA

комментарий 21 Пікір қосу

  • маган катты унады

  • Маган оте катты унады

  • 1-сынып оқушыларына мазмұндама жазуға үйретуге өте қолайлы әдістеме екен. Ата-ана ретінде Бағдат Даниярқызына аналық алғысымды айтамын!

  • Жас ұстаздарға үлкен көмегі тиетін әдістемелік құрал екен. Мен өз сабақтарымда қолданып, оқушылардың сөздік қорын, тіл байлығын дамытамын. Бағдат Даниярқызы, Сізге шығармашылық табыс тілеймін!!!

  • сіздің жинағынызды оз іс тәжірбиемде қолдандым

  • Маған мазмұндамалар жинағы ұнады Қалай скачать етуге болады

  • мазмұндама өте әдемі жазылған

  • өте жақсы материалдар екен, рахмет!

  • 1-сыныпқа ауырлау екен

  • өте жақсы, толық жинақ. Еңбегіңіз жана берсін.

  • 1 сынып балаларына ауыр емес пе?

  • 1сыныпка ауырлау екен

  • Маған өте ұнады бірінші сыныпқа ауыр емес қазір балалар мектепке дайындықпен келеді сондықтан өте жақсы жасалған материал деп ойлаймын. Рахмет!

  • Жақсы еңбек. Көп көмегін тигізді. Құрметті Бағдат апай осындай жұмыстарыңызды көбейтсеңіз екен деген тілек бар. Рахмет.

  • Маған ұнады. Жас мамандарға таптырмас құрал.

  • Маған Ұнады өте жақсы.Сізге үлкен рахмет!

  • тамаша құрал .Сізге рахмет.Табыс тілеймін.

  • Маған ұнады.Қайдан сатып алуға болады немесе скачать етуге бола ма .Көп рахмет

  • 2-4 сыныпқа жазуға ойыңыз жоқ па?

  • 1-сыныптар үшін ауыр.2-сынып деңгейіне келеді. Рахмет!

  • Иа.Кейбiр мәтiндер 1 сынып окушылары үшін күрделі. Барлық бала бiрдей емес қой. Оқушылардың деңгейiне қарап қолдануға болады екен. Рахмет!

Пікір қалдыру

Мақалаға байланысты пікіріңізді жазыңыз сұрағыңыз болса мына сілтемені басыңыз!

*

code

Үздіктер cайтындағы мақалаларды басқа сайттарға жариялағанда Үздіктер сайтына ашық кері сілтеме қойылуы тиіс! Сайтта жарияланған мақалалардың мазмұнына мақала авторлары жауапты © 2013 - 2016