Болмасаң да ұқсап бақ, бір ғалымды көрсеңіз.
Ондай болмақ қайда деп, айтпа ғылым сүйсеңіз.

Жаңа технологияларды сабақ үрдісінде тиымды пайдалану

Жариялаған Қазақ тілі мен әдебиет пәні мұғалімі Баймаханова Гүлнұр
/
9 Июн 2013
Комментарии к записи Жаңа технологияларды сабақ үрдісінде тиымды пайдалану отключены

Тілдерді үйрету әдісі үнемі заман талабына, уақыт ағымына қарай өзгеріп, дамып, жетіліп отырады. Қазіргі кезде орыс тілді мектептерде мемлекеттік тілді оқыту-оқытудың жаңаша, тиімді практикалық игеруге бағытталған аса құнды әдіс-тәсілдерін қажет етеді.

Әр ұстаз өз шәкірттерінің білімінің неғұрлым жоғары болуын салыстыру, талдау,қорытынды жасау және ойлау қабілетінің шығармашылық тұрғыда кең болғанын армандайды. Осы тұрғыда мектеп ғылыми зертхана айналысып отыр, оқытушы мен оқушы әр шексіз шығармашылық ізденісте. Бұл қазіргі заман талабы.

Елбасымыз Н.Ә.Назарбаев өз жолдауында қазіргі мектептер оқушылардың тек жалпы білім алу дайындық деңгейін қамтамасыз етіп қоймай, қазақ, орыс, ағылшын тілдерін меңгеру жастар үшін қалып үйреніс болу жағдайына айналу керектігіне назар аудару. Қазіргі таңда қойылған міндеттердің орындалуы мемлекеттік тілді үйретудің әрі қарай жетілдіруін талап етеді.

Сондықтан әрбір тіл маманының алдына қойылатын мақсат- сабаққа жаңа технология әдістерін пайдалана отырып, оқушылардың білім-білік дағдыларын қалыптастыру. Осы мақсатта өз іс тәжірибемде жаңа технология әдістерін тиімді пайдаланып келемін. Сіздерге өзімнің ашық сабағымның жоспарын ұсынғалы отырмын.

8-сынып. Сабақтың тақырыбы: Кітапты күте білесің бе?

Сабақтың мақсаты:1 Білімділік: Кітап – сарқылмас рухани қазына дей келе, білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Кітапқа деген қызығушылықтарын арттыру, оқулықты күтіп ұстауға үйрету.

2. Дамытушылық: Тақырып бойынша оқушылардың ой-өрісін байыту, Қазақ тілінде өз ойларын жеткізе білу дағдыларын қалыптастыру.

3. Тәрбиелік: Оқушылардың білімге деген құштарлығын арттыру. Кітапты ұқыпты ұстауға тәрбиелеу. Адамгершілік пен еңбексүйгіштікке тәрбиелеу

Сабақтың түрі: Жаңа сабақты меңгеру

Сабақтың әдісі: СТО әдісі, ой қозғау,

Сабақтың формасы: Топпен

Сабақтың пәнаралық байланысы: Әдебиет, орыс тілі, тарих

Сабақтың көрнекілігі: Интерактивті тақта, ақ парақтар, түрлі-түсті қаламдар.

Сабақтың барысы: І Ұйымдастыру кезеңі.

Амандасу. Оқушыларды түгендеу. Оқу құралдарын тексеру

ІІ.Жаңа сабақ барысы:

Сынып оқушыларын екі топқа бөлу керек. Ол үшін оқушылар «Адасқан суреттерді» тиісті конвертке салады.

«Кітапхана қорына» әдеби кітаптардың суретін, «Оқу құралдарына» оқу құралдарын салып, топ мүшелері анықталады.

Мұра деген не? деген сұраққа оқушылар ақ параққа сурет салып, өз ойларын жеткізеді. (Презентация қорғайды.)

1. Екі топ бір –бірін бағалайды

0 1 2 3

Тақырыптың ашылуы

Ой нақтылығы

Безендірілуі

ІІІ. Жаңа сабақты меңгеру

1. Екі топқа Әжем, қазына,әкем, кітапхана деген сөздер беріледі. Берілген сөздерге байланысты өздері әңгіме құрастырады.

2. Дұрыс, бұрыстығын анықтап, мәтіннен үзінді оқылады.

Біздің үйімізде кітап көп. Әкемнің жеке кітапханасы бай. Бұл кітапханадағы кітаптарды менің әжем жинаған екен. Олардың ішінде өте ескі кітаптар да бар, қаншама сөздіктер бар. Әжем өзі оқымысты болыпты, кітапты үлкен қазына деп есептеген екен.

3. Әжесі неге кітапты үлкен қазына деп есептеген?

loading...

Деген сұраққа оқушылар өз ойларын айтады.

2. ДЖИГСО әдісі

1. Кітап- адамның білімін арттыратын ең құнды сыйлық. Өкінішке орай, біз оларды күте білмейміз.

Біздің үйімізде кітап көп. Әкемнің жеке кітапханасы бай. Бұл кітапханадағы кітаптарды менің әжем жинаған екен. Олардың ішінде өте ескі кітаптар да бар, қаншама сөздіктер бар.Кітаптардың біразы сарғайып кеткен. Әжем өзі оқымысты болыпты, кітапты үлкен қазына деп есептеген екен. Балаларына да соны үйреткен. Сондықтан біздің отбасымызда кітапқа деген құрмет ерекше.

2. Мысалы, әкем үнемі кітапты оқығанда сыртын қаптап алады. Кітаптарын тек кітапханада отырып оқиды, бізден де соны талап етеді. Тамақ ішіп отырып кітап ұстасақ, қатты ашуланып:”Қандай ұқыпсызсыңдар,”- деп ұрсады.Кітапты оқыған кезде парағын бүктесек, оған да ренжиді, ескерту жасайды.

Әкеме кітапханасын таза ұстау үшін үнемі көмектесеміз. Мүмкіндігінше күнара сөрелердің шаңын сүртеміз. Аптасына екі рет кітаптарды сөрелерден алып, парақтап, жеке-жеке шаңдарын сүртіп аламыз. Оның себебі, кейбір зиянды жәндіктер қағазды бүлдіреді екен.

3. Мәтінге оқушылар тақырып қояды

4. Есте сақта!

Сарғайып кеткен-пожелтели

Қазына-сокровище

Оқымысты- ученая

Құнды- ценный

Ұқыпсыз- небрежный

Күнара- через день

5. Мұра сөзінің мағынасын түсіндіреді.

Атадан қалған құнды затты мұра дейді.

Асыл мұра

Мәдени мұра

Әдеби мұра

Әке мұрасы

Ата –баба мұрасы

6. Әуен ойнап тұрады.Суреттер көрсетіліп, қанатты сөздер жазылады.

Артық ғылым кітапта,

Ерінбе оқып көруге.

Абай.

Кітап – алтын қазына.

Кітап — білім бұлағы,

Білім — өнер шырағы.

Кітап — ғалым, тілсіз мұғалім.

Кітап алтын сандық:

іші толған қазына, құт,

оқы, оқы, ойыңа тұт.

«Дорбадағы маржан сөз»

Әрбір 4-ші әріптен сөздер құрастырулары керек.

о п а к а ы

л і е д . т

с с а а й ,

д п л л і —

Жауабы: Кітап-адал пейіл, асыл дос.

ІҮ. Жаңа сабақты бекіту

1. Рөлдік тапсырма.

«Өкіл». Оқушылар тапсырманы орындау үшін топ ішінен бір өкілді жібереді, берілген тапсырманы орындайды.

«Бәрі». Топ мүшелеріне ортақ тапсырма беріледі.

«Сенім». Оқушылар топ ішінен бір сенімді топ мүшесін жібереді.

«Таңдау». Мұғалім топ мүшелерінің ішінен бір оқушыны таңдап алып, тапсырма береді.

Ү. Жаңа сабақтың қорытындысы

. Жағдаятты оқып, оқушылар өз ойларын айтады

1.

Атасы:

-Балам, менің көзім нашар көреді, маған кітап оқып берші.

Баласы:

— Туу, ата, менің уақытым жоқ. Кітапты қайтесіз, онында ғаламторға кіріп, керекті мәліметіңізді алыңыз.

2.

1-ші бала:

— Асхат, маған парақ бересің бе?

2-ші бала:

— Менде парақ жоқ.

1-ші бала:

— Ендеше мына нөмірді есіңе сақтап қалшы.

2-ші бала:

— Басыңды ауыртқанша, ана кітаптың бір бетіне жаза салмайсың ба?

ҮІ.Үй тапсырмасын беру

“Кітап – киелі мұра” эссе. 4-тапсырма. 81 бет

ҮІІ. Оқушыларды бағалау

Қызылорда қаласы

Қармақшы ауданы

№ 250 мектеп-лицейінің

қазақ тілі мен әдебиет пән імұғалімі

Баймаханова Гүлнұр Мейрамбекқызы


KORNEKILKIKTERS PORTFOLIO-KAZAKHSHA

Бұл мақалаға Пікір жазу жабық.

Үздіктер cайтындағы мақалаларды басқа сайттарға жариялағанда Үздіктер сайтына ашық кері сілтеме қойылуы тиіс! Сайтта жарияланған мақалалардың мазмұнына мақала авторлары жауапты © 2013 - 2016